P100 milyones nga pundo sa DepEd Toledo naaprobahan
CEBU, Philippines — Giaprobahan sa Local School Board ang P100 million nga pondo alang sa Department of Education (DepEd) Toledo alang sa tuig 2025.
Kini ang gianunsyo ni Toledo City Mayor Joy Perales atol sa pag-apod apod og allowance alang sa mga kawani sa DepEd Toledo City Division niadtong Disyembre 20.
“Last Tuesday, we had our local school board and we approved the P100 million annual budget for DepEd for next year 2025. And naa na atong brigada eskwela, repair of classrooms, unya for the new highschool” matod ni Perales.
Ang maong pondo mamahimong magamit sa lokal DepEd sa mga programa ug proyekto niini pagpalambo sa edukasyon sa mga pampublikong tunghaan.
Samtang, miabot usab sa tag P3, 500 ang nadawat sa mga empleyado sa DepEd Toledo City Division alang sa unom ka bulan nga local allowance gikan sa LGU.
Ang mga kwalipikado nga teaching ug non-teaching personnel sa Toledo National Vocational School ubos sa pagdumala sa City Treasurer’s Office.
Sumala sa Toledo City Public Information Office, ang maong local allowance gipanghatag sa lokal nga kagamhanan kaduha sa matag tuig isip tabang sa mga kawani sa DepEd.
Ang unang hugna sa allowance gihatag kini niadtong bulan sa Hunyo ning tuiga. (BANAT NEWS)
- Latest
