Karaang Fuente Police Station sirado na
CEBU, Philippines - Hingpit na nga gisirad-an ang karaang Fuente Police Station 2 sa dakbayan sa Sugbo human gikataho nga gihimo kining dad-anan og babaye sa ubang pulis.
Gipangunayan sa hepe sa Station 2 sa Cebu City Police Office, Chief Insp. Wildemar Tiu, ang pagkandado ug pagtangtang sa signage nga “police station†nga nakabutang sa taas nga bahin sa karaan nilang butahan. Tuyo usab ni Tiu nga dili masaypan sa ubang tawo nga mao pa gihapon ang ilang buhatan nga nabalhin na atbang sa Camp Sergio Osmeña Sr. diin nahimutang ang Police Regional Office-7 sa Osmeña Boulevard.
Matud ni Tiu nga nahinabi sa Banat News nga dugay na niyang nabantayan bisan dili pa siya ang hepe sa Station 2 ang signage sa karaang buhatan. Apil sa gustong mapaundang sa maong opisyal ang taho nga dunay iyang mga sakop nga magdalhanan og babaye sa maong lugar.
Gawas sa pagkandado ug pagtangtang sa signage, mipagawas usab og kamandoan si Tiu nga wala na’y police car nga mo-parking duol sa karaang buhatan.
Gibutangan usab og police line ang lugar aron hingpit nga dili na kini sudlon og mga tawo. “Gibutangan gyud nato og police line aron makita sa mga tawo nga dili nana ang police station sa Fuente, bati sab nga makita sa mga dili taga Sugbo nga makatoo sila nga didto ang police station,†matud ni Tiu.
Hinuon andam ang opisyal nga mo-imbestigar sa nahaunang pasangil kung duna’y moreklamo sa ilang buhatan. (BANAT NEWS)
- Latest
