Batakang serbisyo sa toledo city apektado
CEBU, Philippines - Tungod sa naungot nga P619 milyones nga 2014 annual budget sa dakbayan sa Toledo, naapektahan karon ang mga batakang serbisyo sa siyudad sa ilang mga konstituwente sumala pa sa usa sa ilang mga opisyal.
Lakip sa naapektahan mao ang serbisyo sa pagkolekta sa basura, anti-criminality campaign, bisan sa health services ug kining nagung-ong nga posibleng maputlan og kuryente ang city hall.
Si Atty. Glenn Cavada, city legal officer nga nahinabi sa tigbalita miasoy nga wala nay gasoline ug krudo ang ambulansiya nga gamiton unta sa emerhensiya, garbage trucks sa pagkolekta sa basura, patrol cars sa kapulisan alang unta sa pagronda ug pagpatrolya sa siyudad.
Ug bisan na gani ang pagpa-repair sa naguba nilang fire trucks diha sa Bureau of Fire Protection (BFP) nga gamitonon kaayo sa higayon nga dunay sunog.
Matud pa adunay higayon nga dihay nadangat sa Toledo City Hospital nga ang tagtungod pa sa biktima maoy gipapalit og gasoline aron mabalhin kini og laing tambalanan. Si Toledo City Mayor John Henry “Sonny†Osmeña miapelar sa Court of Appeals ug misang-at og petition of certiorari ug pagpangayo og temporary restraining order kalabot sa desisyon sa korte pagdapig sa writ of injunction sa pagdeklarar nga null and void ang pagpasar sa maong budget sa rason nga wa kini quorum. (/EIM)(BANAT NEWS)
- Latest
