Amerkanong armado gidakop sa airport
CEBU, Philippines - Nagtingkagol sa Lapu-Lapu City detention cell ang 73-anyos nga American national human kini nasakpang nagdala og armas dihang paingon na untang mosakay sa eroplano paingon ngadto sa Korea niadtong Huwebes sa gabii diha sa Mactan Cebu International Airport. Si Senior Superintendent Constantino Barrot, hepe sa Police Aviation Security Group-7 nga nagbase sa Mactan Airport miila sa suspetsado nga si John Joseph Rooney nga taga New York sa Estados Unidos.
Si Barrot mibutyag sa The Freeman (igsuong publication sa Banat News) nga si Rooney usa unta sa mga pasahero sa Korean Air flight KE017 paingon ngadto sa Korea.
Mga alas 10:30 sa gabii niadtong Huwebes nabantayan sa personnel sa airport nga si Rooney nagdala kini og pusil sulod sa iyang bagahe dihang milabay sa “connecting screen checkpoint†sa departure area.
Giingong nakompiska gikan sa maong langyaw ang HK Smith and Wesson pistol nga dunay tulo ka magazine sa caliber 40. Si Rooney napakyas sa pagpakita og dokumento sa pagdala niini sa maong armas hinungdan nga gidala siya ngadto sa Lapu-Lapu City Police Station ug gitanggong. (Brenda D. Batuto gikan sa The Freeman/EIM)
- Latest
