Drayber og habal-habal wala pa g’yud mapitol
CEBU, Philippines - Hangtod karon wala pa gihapon mapitol ang mga drayber og “habal-habal†nga motorsiklo sa ilang paghatag og kasamok sa karsada bisan og si Mayor Michael Rama nagmugna og Oplan Hagibis mga duha ka tuig na ang milabay.
Si Michael Laureta, usa ka drayber og habal-habal, nga nagbiyahean sa Barangay Lahug miangkon nga daghan sa iyang kaubanan ang mga badlongon ug walay mga lisensya.
Ang mayor mimugna og Oplan Hagibis nga gitahasan niya aron mosuperbisar sa mga drayber og motorsiklo nga gigamit isip pasaheroan, apan walay nahimo nga kalamboan.
Dinhi sa dakbayan sa Sugbo ug sa ubang bahin sa nasud nahimong popular kaayo ang habal-habal nga sakyanan sa katawhan paingon sa mga dapit nga walay biyahe ang mga sakyanan.
Bisan og walay pagtugot sa kagamhanan ang mao nga mga habal-habal apan ang mga opisyal wala mohimo’g hugtanay nga kampanya batok niini kay nakasabot sila nga kapahimuslan kini sa katawhan.
Diha’y higayon nga si Mayor Rama mismo napikal kaayo pagkakita sa mga drayber og habal-habal sa rotunda sa barangay Lahug nga nagsaoy-saoy pagpadagan ug wala na motuman sa lagda sa trapiko. (BANAT NEWS)
- Latest
