Peace talk tali sa komunista ug gobiyerno bukas pa

CEBU, Philippines - Bukas gihapon ang gobyerno sa padayon nga  peace talks tali sa Communist Party of the Philippines - New People's Army (CPP-NPA).

Sumala pa ni Elvira Bongosa sa Philippine Information Agency sa Central Visayas (PIA-7) nga tubag kini sa Malacañang sa pahayag ni CPP-NPA founding chairman Joma Sison nga hanap nang magpadayon pa ang peace talks ubos sa administrasyong Aquino.

Dugang pa ni Bongosa nga nipasidaan usab ang CPP-NPA  nga mas hingusgan pa niini karong 2014 ang opensiba batok sa mga tropa sa gobiyerno.

Gipadayag ni Bongosa nga nagkanayon si Presidential Communications Operations Office (PCOO) Sec. Sonny Coloma nga misaad si Presidential Adviser on the Peace Process Sec. Ging Deles nga ipadayon nila ang pagpangita og solusyon aron makab-ot ang kalinaw.

Gibutyag  ni Bongosa nga gipasalig usab sa Palasyo nga andam ang pwersa sa gobiyerno nga panalipdan ang katawhan ug ang kaluwasan sa mga komunidad. (BANAT NEWS)