Kanhi kapitan sa Day-as gipasakaan na og kaso Gitukod nga subdivision sa Talisay gireklamo
CEBU, Philippines - Mikabat ngadto sa 200 ka mga residente diha sa Zone-5, barangay Dumlog, dakbayan sa Talisay ang mireklamo batok sa giugmad nga subdivision diha sa ilang lugar tungod sa agianan ug drainage.
Ang maong mga residente nabalaka nga masugamak sila sa baha ug gawas pa niini dili usab makaagi ang trak sa basura, bombero ug ambulansiya kung ugaling dunay emerhensiya tungod sa kahagip-ot sa agianan.
Sa milabay’ng buwan ang maong mga residente mihangyo nila ni Konsehal Doroteo Emit ug Aldin Diaz nga mogama og aksiyon sa mao nilang problema.
Ang maong mga konsehal uban sa city engineering office ug Athecor Development Corporation nagpahigayon og ocular inspection diha sa nahisgutang subdivision.
Base sa inspection report sa grupo, ilang naobserbahan nga flood prone area ang lugar ug base sa gisumitir nga development plan ang subdivision i-elevate, apan giingong dunay posibilidad nga kung kusog ang uwan ang tubig baha adto mahan-ok sa palibot sa subdivision.
Nabantayan usab sa development plan usa ka metros lang ang gilapdon ihatag nga agianan o “right of way†sa developer nga dili paigo aron kaagian og sakyanan.
Matud pa nga tataw nga nakalapas ang maong subdivision sa Section 16 kon “General Welfare†sa Akta Republika 7160 o Local Government Code of 1991.
Ang inspection report gisumitir ngadto kang Konsehal Socrates Fernandez kinsa mao ang chairman sa infrastructure aron magama og aksiyon sa maong reklamo. (/EIM)(BANAT NEWS)
- Latest
