Duha ka sakop sa Customs Police gireklamo sa CCUPA
CEBU, Philippines - Duha ka mga sakop sa Customs Police sa Port of Cebu ang gipailawom sa makuting imbestigasyon tungod sa pasangil nga nanghasi kini sa mga “personeros†sa mga customs brokers ug miabuso sa ilang gahom. Ang reklamo gisang-at diretso sa Ombudsman Visayas. Ang Cebu Customs Personeros Association (CCUPA) pinangulohan ni Eugene Cena misang-at og kasong harassment ug grave abuse of authority batok nila ni Special Agent 1 Alfredo Regidor ug SA1 Nino Gibbs Emphasis.
Si SAII Adonis Reyuso, imbestigador sa Enforcement Security and Services kon ESS sa pantalan sa Cebu, mibutyag nga gimanduan siya ni ESS Commander Camilo Casculan nga sugdan ang imbestigasyon batok sa duha.
Ang duha gibalhin na sa naandan nilang assignment diha sa Exit-Gate sa International Container Port sa Cebu International Port kon CIP. Wala pa hinuon sila’y kopya sa reklamo apan matud ni Reyuso nga nagsugod na sila sa imbestigasyon.
Ang presidente sa Customs Brokers Association CCBI, Jerry Martinez miingon nga niadtong miaging semana nagpatabang kanila si Cena alang sa usa ka signature campaign apan wala siya mopirma kay sobra naman sa usa ka gatos ang mipirma sa reklamo. Ang reklamo nagbutyag nga kanunay silang lisud-lisoron sa duha sa pagpagawas sa container vans.
Matud pa ang matag mogawas nga container vans pangayoan og padangog. Gibanabanang mosubra sa 500 ka container vans ang mogawas sa exit gate matag adlaw.
Ang Banat News misuway apan napakyas sa pagkuha sa ilang habig bahin sa reklamo.( /EIM) (BANAT NEWS)
- Latest
