Kahera nga naligo sa puso gitusak og dunggab, kapuyo wala igkita

CEBU, Philippines - Patay ang usa ka babaye nga gituohang gidunggab sa kaugalingon niining kapuyo  sa Purok Adelpa, barangay Looc, dakbayan sa Mandaue alas 5 pasado ang takna sa miaging kaadlawon.

Ang namatay mao si Estela Marie Tumulak, 22, nagpuyo sa maong dapit ug nagtrabaho isip cashier sa usa ka gasoline station sa maong dakbayan. Si SPO1 Allan Pantaleon sa Homicide Section miingon nga ang biktima sayo sa kaadlawon pa nga naligo sa puso aron motrabaho.

Dugang pa niya nga nahingangha na lamang ang mga silingan nga napalgan ang biktima nga naligo na sa kaugalingon dugo ug nakabaton kini og dinunggaban sa iyang liog, buko-buko ug uban pang bahin sa iyang kalawasan.

Matud pa ni Pantaleon nga ang kapuyo sa biktima nga kasamtangang gipugngan lamang ang pangalan wala na usab nila igkita sa panimalay nga ilang gipuy-an ug maoy hinungdan nga mao kini ang ilang gikatahapan nga nagpatay sa biktima.

Sumala pa niya nga ang pangabubho mao kanunay nga hinungdan sa panag-away sa duha base usab sa gitug-an sa mga silingan.

Gisuwayan usab pagtawag sa kapolisan ang cellphone sa kapuyo apan dili na usab kini makontak niining higayona. (BANAT NEWS)