300 ka Hadji Pilgrims nangabot gikan Zamboanga
CEBU, Philippines - Tres siyentos ka mga Muslims gikan sa Zamboanga City ug Tawi-Tawi ang nangabot dinhi sa Sugbu kagahapon alang sa ilang connecting flight padung sa Manila aron molarga padung sa Kingdom of Saudi Arabia alang sa tinuig nga Hadji Pilgrim sa Mecca.
Luwan sa usa ka C-130 Hercules transport plane sa Philippine Air Force nangabot ang kapin usa ka gatos ka mga Hadji Pilgrims gikan sa Zamboanga City sa Benito Ebuen Air Base ug gidala sa departure area sa Mactan Cebu International Airport.
Gisugat sila ni Hadji Manu Mangoriring ang director sa National Commission on Muslim Affairs ug mga sakop sa MCIA.
Sila gikatakdang mosakay kagabii sa ilang flight padung sa Manila. Gawas sa mga naggikan sa Zamboanga, dunay laing batch usab ang nangabot gikan sa Tawi-Tawi luwan sa usa ka special flight sa usa ka airline company.
Ang mga gikan sa Zamboanga giingong natanggong sa airport sa Zamboanga tungod sa kagubot sa maong siyudad dihang miatake ang grupo sa Moro National Liberation Front.
Samtang gipahibalo ni Chief Supt. Danilo Constantino ang pangulo sa Police Regional Office (PRO)-7 nga dunay posibilidad nga malangay pa ang pagpauli sa 130 ka mga sakop sa Regional Public Safety Battalion (RPSB) 7 sa Zamboanga City.
Hinuon matud niya ilisan og laing batch ang maong mga polis kung gikinahanglan. “Depende sa directives ng Camp Crame pero if it will continue (conflict) for more than a month then we will have to replace our troops,†matud pa niya.
Hinuon giklaro ni Constantino nga dunay kamandoan ang RPSB-7 nga mobawos kun sila atakihon tungod kay kompleto sila sa gamit ug armas.
Ang RPSB-7 gipangulohan ni Supt. Clifford Gairanod kinsa magpadalahan og report sa PRO7 matag tulo ka oras bahin sa ilang operasyon didto sa Zamboanga. (BANAT NEWS)
- Latest
