Inahan nga gisumbag sa anak wa mopasaka og kaso
CEBU, Philippines — Wala na mopasaka og kaso ang 44-anyos nga inahan batok sa iyang 24-anyos nga anak nga nisumbag niya katulo ka higayon hinungdan nga kini na-blackeye niadtong Domingo sa buntag, Pebrero 16, 2025.
Gumikan kay wala naman nisang-at og kaso ang inahan nga si Gina nakagawas na sa prisuhan ang iyang anak nga si Jay.
Sa pakighinabi sa Banat News sa dinakpan kini mipasabot nga wala niya tuyoa ang pagsumbag sa iyahang inahan ug resulta lang kini sa iyang kahubog.
Sigon sa dinakpan nga gikan siya niapas sa iyahang pares kay wala niuli niadtong Pebrero 14, 2025 dala ang iyang anak nga 2 anyos ug gibilin ang lima ka buwan pa nilang anak.
Apan pag-uli na niya didto na siya niinom kuyog ang mga barkada ug nabuntagan kini.
Hinungdan nga giyawyawan kini sa iyahang inahan ug sigon pa sa dinakpan nga gikambras siya hinungdan nga wala tuyoa nasumbagan niya iyahang inahan.
"Wala gyud to nako tuyoa, tungod ra sa akong problema unya nakainom, problema gud", suma pa sa anak. (BANAT NEWS)
- Latest
