Beneficiaries sa Tabang Mandaue Program nakadawat og ayuda

CEBU, Philippines — Nakadawat og tag P3,000 nga pinansiyal nga ayuda  gikan sa kagamhanan sa Siyudad sa Mandaue ang gatusan ka molupyo sa kabarangayan nga beneficiaries sa Tabang Mandaue Program.                                                                                                                       

Giapod-apod-apod ang maong pinansiyal nga tabang ngadto sa 469 ka beneficiaries sa Barangay Mantuyong ug 864 sa Barangay Tipolo kinsa matag usa kanila ang nakadawat og tag P3,000 nga ayuda isip suporta sa ilang panginabuhi ug panginahanglan.                                                                                

Si Mayor Glenn Bercede ang nangulo sa maong distribution uban sa suporta sa mga  sakop sa konseho sa siyudad.                                                                                                                                      

Ang maong programa nagpakita sa padayon nga paningkamot sa lokal nga pangagamhanan sa pagpalig-on sa panginabuhi sa mga Mandauehanon nga labing nanginahanglan.

Ang maoy pinansiyal nga ayuda alang usab ngadto sa mga tawo nga adunay maintenance nga tambal, hospital bill ug dialysis patient.                                                                                                   

Gihatagan usab ang beneficiaries gikan sa Barangay Cambaro ug Barangay Ibabao Estancia.

Ang Barangay Cambaro aduna kini 551 ka beneficiaries 545 sa Barangay Ibabao Estancia. BDB BANAT NEWS