Naghupot og butang sa simbahan giawhag sa pag-uli

CEBU, Philippines — Nipadayag sa ilang kalipay ang katawhan ug opisyales sa simbahan ug kagamhanan sa Lungsod sa Boljoon human nga hingpit nang napahigayon ang unveiling ug blessing sa pulpit panels sa The Archdiocesan Shrine og Patrocinio de Maria Santisima kagahapon sa buntag.

Ang maong kalihokan gipangulohan kini ni Arcbishop Jose Palma, D.D uban sa mga kaparian sa Archdiocese of Cebu. Nanambong sa maong kalihokan ang opisyal sa Probinsiya sa Sugbo nga gipangulohan ni Governor Gwendolyn Garcia, opisyales sa lungsod, mga kadagkoan sa National Museum of the Philippines, ug uban pa.

Human sa gipahigayon nga unveiling ug blessing gisunod ang Santos nga Misa.

Si Palma mapasalamaton sa tanang nahimong kabahin sa paghiuli sa pulpit panels.

Human sa Santos nga Misa gisunod ang pagpinirmahay sa mga dokumento sa pag- turnover sa pulpit panels.

Nihatag usab og pamahayag ang pipila ka opisyales diin kasagaran kanila ang nidayeg ug nipasalamat sa hingpit nang pagbalik sa maong panid sa pulpito.

Samtang si Garcia subling niapelar ngadto sa naghupot sa ikaunom nga pulpito sa pag-uli niini. Gidasig usab ni Garcia ang mga naghupot pa sa laing mga kabtangan nga iya sa simbahan nga ipang-uli kini tungod kay dili makiangayon ang pagbaton og butang nga dili ilaha ug iya sa Archdiocese of Cebu

Ang kagamhanang lokal ug simbahan nihimo og mga lakang aron dili na masubli ang pagpangawat sa mga butang nga iya sa simbahan. BDB BANAT NEWS