Ticket para sa Sinulog sa Kabataan gipamaligya na
CEBU, Philippines — Padayon ang pagpamaligya karon sa ticket alang sa umaabot nga Sinulog sa Kabataan sa Dakbayan karong adlaw nga Domingo Enero 12, 2025.
Kini ang gibutyag ni Elmer "Jojo" Labella ang Executive Director sa Sinulog Foundation Inc.
Matud pa ni Labella, padayon ang pagpamaligya sa ticket alang sa Sinulog sa Kabataan sa tag P200 matag usa.
Sumala pa ni Labella, susama lang gihapon ang presyo sa ticket karon tuiga sa Sinulog sa Kabataan tungod kay wala man sila mopasaka niini.
Gitug-an ni Labella, kadtong gustong motan-aw sa Cebu City Sports Complex mahimo ra sila mopalit sa ilang mga ticket ug kung aduna sila mga pangutana mahimo ra silang mobisita sa opisina sa SFI.
Nasayran karong Domingo adunay dili mominos 18 ka mga contingents ang magtigi alang sa maong kalihukan.
Kini naglangkob sa Aktivong Binaliwhanom-Barangay Binaliw; Banauan Cultural Group-Barangay Guadalupe; Asian College of Technology International Educational Foundation; Barangay Kamagayan-Landonian Tribe; Barangay San Nicolasnon; Abellana National School; Kalunasan Cultural Dance Troupe-Barangay Kalunasan; Barrio Basak Pardo-Barangay Basak Pardo; Barangay Zapatera; Maampoong Baniladnon-Barangay Banilad; Inayawan Talents Guild Cultural Dance Troupe; Hugpong Day-asanon-Barangay Day-as; Hugpong ng mga Mananayaw ng Bayan sa University of the Philippines Cebu; Lumad Basakanon; Hugpong Masidlakon: The House of the Siomai Festival sa Tisa; Banay Labangon; Lambo Mabolo ug Bag-Ong Tribu-Kasambagan.
Ang Sinulog sa Kabataan manukad sa barangay Mabolo, ngadto na sa Lorega, Day-as, P. del Rosario, liko sa osmeña Boulevard ngadto na sa Cebu City Sports Center. MEL BANAT NEWS
- Latest
