Lalaking dunay samad sa liog napalgang patay

CEBU, Philippines — Patay na nga napalgan ang usa ka 48 anyos nga lalake nga dunay samad sa liog diha sa Sitio Feathers, Barangay Day-as, Siyudad sa Sugbo alas 6 kagahapon sa buntag, Biyernes, September 13, 2024.

Ang biktima mao si George Mendoza, 48 anyos,  residente sa Barangay Talamban ning siyudad.  Nakadawat og tawag ang Pari-an Police Station 1 sa Cebu City Police Office mahitungod sa napalgang lalaki nga nag-ubo sa yuta ug nagkadugo.

Sa paghiling sa ambulance personnel wala na kini pulso ug adunay adunay nakitang samad sa iyang liog.

Sa impormasyon sa Pari-an Police Station dili pa dugay nagpuyo sa dapit ang biktima kay taga Barangay Talamban ug nibalhin og puyo diha tungod kay taga diha ang iyang kaipon sa maong lugar.

Subayon sa kapulisan ang report nga ilang nadawat nga alas 2 ngadto na sa alas 3 sa kaadlawon dunay pagpamusil nga nahitabo ug giingong ang biktima maoy nalambigit.

Ang lugar kun asa nakit-an biktima 15 meters ang distansya gikan sa iyang gipuy-an.

Giingong dunay nagginukdunay sa atop ug nagtuo matud pa ang mga residente nga mga iring kini maong gibalewala nila. Apan dihang mihayag na ang ang caretaker sa dapit nakakita sa biktima nga nagbuy-od na sa yuta.

Usa sa mga subayon sa kapulisan sa ilang imbestigasyon ang istorya nga ilang nakuha nga nalambigit matud pa sa illegal nga drugas ang biktima. IBM BANAT NEWS