10 milyon ka punoan sa kahoy itanom sa Central Protected Landscape

CEBU, Philippines — Gipirmahan na ang kasabotan alang sa pagpananom og 10 milyones ka punoan sa kahoy aron pagpahiuli sa Central Cebu Protected Landscape atol sa gipahigayong Cebu Investment and Tourism Forum niadtong Agosto 22, 2024.

Ang Central Cebu Protected Landscape nahimutang kini sa kabukiran ug mga drainage basin sa sentro sa Sugbo nga gilangkuban sa Dakbayan sa Toledo, Dakbayan sa Talisay, Dakbayan sa Danao, mga lungsod sa Balamban, Consolacion, Liloan ug Compostela.

Ang mga protected areas naglangkub kini sa Cebu City lakip ang Buhisan Dam, Sudlon National Park, Cotcot Lusaran Watershed Forest Reserve, Mananga Watershed Forest Reserve ug Central Cebu National Park.

Ang kasabutan tali kini sa Aboitiz Group, mga kagamhanan sa Probinsiya sa Sugbo, Dakbayan sa Sugbo ug sa Dakbayan sa Talisay

Ang mga nipirma sa maong kasabutan mao sila si Gobernadora Gwendolyn Garcia,

Acting Cebu City Mayor Raymond Alvin Garcia, Bise Mayor Richard Francis Aznar ug  Sabin Aboitiz, chairman sa board of trustees sa Aboitiz Foundation Inc.

Si Acting Mayor Garcia nagkanayon nga ang hiniusang panagtigom nagpakita kini sa lig-on nga pagdumala sa liderato sa iyang iyaan nga si Gobernador Garcia.  — BDB BANAT NEWS