Report sa mga bata nga gipangita sa Talisay dili kabalak-an
CEBU, Philippines — Gipahibawo ni Police Lt. Col. Epream Paguyod, hepe sa kapolisan sa Talisay nga dili angayan kabalak-an ang tahu nga dunay mga batan-on nga mangawala ug ma-post sa ilang facebook page.
Suma pa ni Paguyod nga ang matahu nga nawala nga mga batan-on nabalik ra sa ilang mga pamilya ug walay dautan nga nahitabo kanila.
Una niini, napagya ang pagkawala sa kabataan pinaagi sa Facebook post tungod kay mihangyo man ang mga ginikanan nga ma post kini sa social media aron daghan ang makahibawo ug dali nga makit-an ang ilang mga anak.
Tuod man ang usa ka batan-on nga gitahu nga nawala mikuyog lang sa iyang mga barkada samtang ang pinakauwahi nga giingon nga nawagtang usab miuban ra kini sa iyang uyab.
Subay niini naghangyo si Paguyod ngadto sa mga ginikanan nga bantayan ug imonitor ang ilang mga anak tungod kay mao kini ang ilang responsibilidad. (BANAT NEWS)
- Latest
