Mga payag sa nagpuyo sa CICC gihinay-hinay na sa pag-demolish

CEBU, Philippines — Gitabangan sa mga sakop sa demolition team sa Housing Urban and Development Office (HUDO) sa Siyudad sa Mandaue sa pagpangguba sa ilang mga payag-payag ang mga nagpuyo sa sulod sa compound sa Cebu International Convention Center (CICC) ug gipangkarga og sakyanan ang ilang mga butang ug gihatud ngadto sa bag-o nilang temporaryong pinuy-anan nga transitory housing o gitawag og Pasilong sa Paradise sa Mandaue City.

Nasayran nga adunay 500 ka payag-payag and anaa sa CICC diin unang gipangguba kagahapon ang 21 ka payag-payag.

Gitinguha nga sa dili pa ang Agosto 30, 2024 makompleto na ang pagpangguba sa mga payag-payag tungod kay ang ground breaking ceremony sa tukoron nga government center ipahigayon sa maong adlaw nga mag-highlight sa ika-56 nga Charter Day anniversary sa siyudad. (BANAT NEWS)