Mga barangay tanod gibansay pagdakop sa mga badlongon
CEBU, Philippines — Gitapos sa kapolisan sa Dakbayan sa Talisay ang ilang pagbansay sa mga barangay tanod sa Lawaan 3 pinaagi sa paghatag og pasidungog kanila sa ilang gipakita nga pasalig sa pagtabang pagpatunhay ug kahapsay sa ilang dapit.
Si Police Lt. Col. Epraem Paguyod uban sa iyang mga kaubanan nihimo sa training ug seminar sa mga tanod sud sa pila ka adlaw.
Ang kapolisan nihatag og edukasyon sa mga tanod labot sa mga balaod nga kasagaran malapas sa katawhan.
Gawas niana, gitudloan usab sila kung unsaon sa pagdakop sa mga badlungon aron dili sila ma alanganin.
Nalipay ang kapolisan gumikan sa gipakita nga suporta sa Lawaan 3 pinaagi ni kapitan Frederick Marababol.
Samtang padayon ang police visibility sa kapolisan diha sa mga lugar nga sagad tapokan sa katawhan aron dili makahigayon ang mga dautang elemento sa paghimo sa ilang modus nga makapamiktima sa inosenteng indibidwal. (BANAT NEWS)
- Latest
