Cebu City Police Office nag-una sa performance rating

CEBU, Philippines — Giila ang Cebu City Police Office (CCPO) ug ang mga police stations niini gumikan sa ilang gipakitang maayong mga nahimo ubos sa Unit Performance Evaluation Rating (UPER) sa buwan sa Mayo ug Hunyo tuig 2024.

Pipila aning mga mga police stations ubos sa CCPO nga nag-top sa UPER alang sa buwan sa Mayo mao ang Pari-an Police Station 1, Abellana Police Station 2, Carbon Police Station 5 ug Inayawan Police Station 7. Ang Pari-an Police Station 1 gipangulohan ni Major Marvin Fegarido, si Police Captain Eric Papong sa Abellana Police Station 2, Police Major Philip Libres sa Carbon Police Station 5 ug Police Major Jiceree Basitao sa Inayawan Police Station.

Samtang pipila ka mga police stations sa siyudad nga ni top sa UPER sa buwan sa Hunyo mao gihapon ang Pari-an Police Station 1 ug Abellana Police Station 2, Waterfront Police Station 3, Sawang Calero Police Station 6, Labangon Police Station 10 ug Mambaling Police Station 11.

Ang Waterfront Police Station 3 gipangulohan ni Police Major John Lynbert Yango, si Police Captain Jay-R Palcon sa Sawang Calero Police Station 6, sa Labangon Police Station 10 mao si Police Major Eraño Regidor ug si Police Major Efren Diaz Jr. sa Mambaling Police Station 11.

Gihulagway sa CCPO nga ang maong kalampusan sa mga police stations sa Siyudad sa Sugbo sa pagkugi sa kapolisan sa Dakbayan sa Sugbo sa ilang trabaho ingon man sa epektibong liderato sa CCPO. (BANAT NEWS)