Nanghinol sa uyab sa ig-agaw gipadakop

CEBU, Philippines — Nabalhog sa Abellana Police Station ang 25 anyos human giingong nanghinol sa uyab sa iyaha rang ig-agaw sa miaging gabii diha sa Barangay Sambag 2 sa dakbayan sa Sugbo.

Ang maong suspek minyo, anaay duha ka anak ug usa ka food delivery rider.

Sa pasiunang imbestigasyon sa kapulisan sa Abellana Police Station 2, nakainom ang 32-anyos nga biktima dihang niadto sa panimalay sa iyahang uyab  ug naatol usab nga anaa ang suspek ug mga kauban niini nag-estambay didto.

Matud pa nangutana ang biktima kanila kung asa ang iyang uyab, apan dihang gitubag niya kini, gikatahong gitamparus siya og kalit sa babaye.

Giingong dihang ni-aksyon og katumba ang biktima tungod sa kahubog, ila kining giagak kauban sa anak-anak sa biktima ug gihatod padulong sa kwarto sa uyab niini.

Apan giingong kalit nisumbong ang babaye nga gihilabtan siya sa suspek, ang naulahi kusganong mihimakak sa akusasyon kaniya.

Miangkon hinuon kini nga wala niya nabantayi nga nasaghiran niini ang dughan sa babaye sa dihang giagak nila kini padulong sa kwarto apan dili kadto tinuyo ug walay malaw-ay nga nahitabo.

Anaa karon sa kustodiya sa Abellana Police Station ang suspek ug nag-atubang og kasong Acts of Lasciviousness. — Irish L. Laborte, John Mark Dejito  (BANAT NEWS)