Garcia: Kinahanglang motuman sa rekisitos ang tagdumala sa CBRT
CEBU, Philippines — Ang project manager sa Cebu Bus Rapid Transit (CBRT) nipadayag nga ang pag-instolar sa street lights sa Osmeña Boulevard giaprobahan ni Acting Cebu City Mayor Raymond Alvin Garcia.
Giklaro kini ni Engineer Norvin Imbong, manager sa CBRT.
Sa iyang bahin, si Garcia nagkanayon nga si Imbong nakapresentar sa proposal niini diha sa iyang buhatan ug sa planning office.
Matud ni Garcia nga bisan pa sa paghatag og pagtugot kinahanglang tumanon una ang mga permit.
Si Garcia nagkanayon nga bisan og naaprobahan na nila ang kinatibuk-ang konsepto sa link ngadto sa port feature sa CBRT ug nagkasabot na sa pedestrianization wala kini nagpasabot nga dili na sila kinahanglang mo-apply og permit.
"Let them comply kay nakasugod naman sila. Let them comply with all the permits and requirements”, matud ni Garcia.
Samtang si Imbong nagkanayon nga gitumong sa link ngadto sa port feature sa CBRT nga ma-pedestrianize ang lugar gikan sa Plaza Independencia hangtud sa eskina sa P. del Rosario.
Gikan sa termino nga "link" kini nga bahin nga gibana-bana nga 1.15 kilometros ang gilantaw aron makonektar ang mga serbisyo sa BRT ngadto sa publiko. Jessa Grezil S. Bacus (BANAT NEWS)
- Latest
