Paghabwa sa mga basura sa mga sapa gipaspasan

CEBU, Philippines — Gihingusgan na karon sa siyudad sa Sugbu ang pagpanglimpyo sa mga kasapaan sa dakbayan  sama sa Estero de Parian ug Lahug River subay sa pagpagandam sa nagsingabot nga ting-uwan.

Ang Cebu City Disaster Risk Reduction and Management Office nga gipangulohan ni Harold Alcontin maoy nangulo sa pagpanglimpyo sa mga basura uban sa Cebu City Fire Department.

Lakip usab sa nanglimpyo sa Lahug Riverside ug Barangay Day-as mao ang Department of Engineering and Public Worka nga gipangulohan ni Engr. Norman del Mar.

Giapil usab sa pagpanglimpyo sa DEPW ang Day-as ug T.Padilla nga utlanan nga puros nalang basura ang masud-ong sa sapa.

Dili mominos sa lima ka truck sa basura ang nahakot sa maong dapit, diin hiniusa kini nga pagtibangay sa mga nagkadaiyang buhatan.

Magpadayon ang ipahigayon nga pagpanglimpyo kini agi og pagpangandam sa nagsingabot nga ting-uwan. — /IBM (BANAT NEWS)