Tulo ka ex-convicts nasipong sa buybust operation
CEBU, Philippines — Tulo ka mga ex-convict ang nadakpan sa buy-bust operation sa Provincial Intelligence Unit sa Cebu Police Provincial Unit (CPPO) sa Sta. Lucia Road, Barangay Bulacao, Siyudad sa Sugbo pasado alas-6 sa gabii sa adlaw'ng Biyernes, Mayo 24, 2024.
Ang mga nadakpan mao si Joel Ocañads Alforque, alyas Chulep, usa ka ex-convict, 48, taga Barangay Valencia, Dakbayan sa Carcar ug subject sa buy-bust operation.
Apil sab sa nasikop sila si Mary Adrianne Acuña Jr. alyas Mary Ann, ex-convict ug nagpuyo sa Barangay Sambag 1, Cebu City ug si Mechelle Fajardo Lariosa alyas Momsie, usa gihapon ka ex-convict, 47, residente sa Sitio Boongon, Baranga Candulawan, Talisay City.
Nakuha gikan sa mga suspetsado ang 35 gramos sa gituohang shabu nga nagkantidad og P238,000.
Nasayran si alyas Chulep nadakpan niadtong Pebrero 13, 2008 gumikan sa kasong murder ug nakagawas December 2013. Samtang si alyas Mary Ann nasikop 2015 sa kasong pagpangawat ug pag 2018 nakagawas kini sa prisuhan.
Dayon si alyas Momsie nadakpan 2018 tungod sa kalapasan sa Section 5 ug 11, Article II sa Republic Act 9165 ug nakagawas pag 2022.
Ang subject sa buy-bust operation nahibaw-an nga maka dispose og 50 gramos sa illegal nga drugas kada semana human kini gipaubos sa tulo ka adlaw nga monitoring.
Kasong kalapasan sa Section 5 ug 11, Article II sa Republic Act 9165 ang ipasaka batok sa mga suspetsado. (BANAT NEWS)
- Latest
