Pintor nakuryentihan mi-aso

CEBU, Philippines — Nakabaton og mga paso  sa iyang kalawasan ang usa ka 45-anyos nga pintor nga nakuryentihan samtang nagtrabaho sa ibabaw nga bahin sa gitrabahoan niining hotel sa Sitio Mustang a Barangay Pusok,  Siyudad  sa Lapu-Lapu sa miaging Lunes sa buntag.

Ang biktima giila sa kapolisan sa Lapu-Lapu City Police Office (LCPO)  nga mao si Edward Manolong,  welder ug pintor nga nagpuyo sa Barangay Ibo sa maong siyudad.

Si Police Lieutenant Colonel  Christian Torres, pangulo  sa City Investigation Detection and Management Unit (CIDMU) miingon nga nagpintal  ang biktima sa ibabaw  nga bahin sa maong hotel ug  ang handle  sa gigunitan ug nasaghid kini sa live nga kuryente.

Matud a ni Torres nga wala kawad-i sa panimuot ang biktima ug nakasangpit pa pagpangayo og tabang sa mga kauban apan napaso kini sa kalawasan.

Ang  mga personnel  sa Lapu-Lapu City Rescue team, uban sa  Bureau of  kapolisan ang dali nga nakatubag sa maong alarma ug ilang gidala ang biktima sa Lapu-Lapu City Distrct Hospital ug anaa na kini karon sa luwas nga kahimtang. IBM BANAT NEWS