COPatid Program gilusad sa kapolisan sa LCPO
CEBU, Philippines — Gilusad sa Lapu-Lapu City Police Office (LCPO) ang COPatid program pinaagi sa Kadiwa Caravan. Si Police Colonel Elmer Lim nga kanhi direktor sa kapolisan sa LCPO miingon nga ang maong kalihokan nagsilbi nga kahimanan sa matag beneficiary sa pagpakita sa ilang produkto nga mailhan usab kini sa mga tawo.
Gihimo ang Kadiwa Caravan sa paghatag og kahigayonan sa mga beneficiary sa maong programa nga mailhan sa publiko ang ilang podukto ug kapalapdan pa ang ilang panginabuhian.
Ang main objective sa maong inisyatiba mao ang pag empower sa mga benepesaryo sa pagsabot sa ilang panginahanglan aron pagsuporta sa ilang pamilya.
Lakip sa mga produkto nga gigama sa mga kanhi piniriso mao ang dishwashing soap, sabon ug uban pa.
Tumong sa kapolisan sa paglusad sa programa aron usab mahingpit ang pagbag-o sa kinabuhi sa mga kanhi nalambigit sa ilegal nga drugas pinaagi sa pagbaton og ilang kapanginabuhian. (BANAT NEWS)
- Latest
