Upat ka establisamento naugdaw

CEBU, Philippines — Nagbilin og P480 mil nga danyos ang sunog nga nahitabo sa Purok 4 Lower, Barangay Cambinocot, siyudad s a Sugbo gabii sa adlaw'ng Biyernes, Marso 8, 2024.

Sa impormasyon sa Cebu City Fire Station , balay patigayon ang nasunog nga giisa sa first alarm pag aka alas 11:59.  Hinoon, pagka alas 12:02 sa tungang gabii gideklarar dayon nga fire out ang sunog.

Upat ka mga estraktura ang apektado sa sunog diin usa ang partially burned ug tulo ang totally burned.  Upat sab ka indibidwal ang apektado sa maong hitabo wala hinoon naangol sa sunog.

Sa pikas bahin, gihatagan sa  lokal  nga kagmhanan  sa Siyudad  sa Mandaue og pinansiyal  nga ayuda  ang mga nasugan nga molopyo sa Barangay Labogon ubos sa Tabang Program nga gipasiugdahan ni Mayor Jonas Cortes.

Ang mga tag-iya sa nasunog nga panimalay ang makadawat og pinansiyal nga ayuda  nga P10,000 ug P5,000 usab nga pinansiyal nga ayuda alang sa mga biktima mnga nag-abang o  sharer lamang sa gipuy-an  nga panimalay.

Dugang nadawat  sa mga nasunogan ang  mga balde ug mga kagamitan sa panimalay nga nagakip sa galamiton sa  kusina.

Samtang ang National Grid Corporation of the Philippines (NGCP) nanghatag usab ug bugas ug canned goods ngadto sa mga nasunogan.

Nahitabo ang maong sunog niadtong Marso 3, 2024 ug kapin sa 30  ka pamilya ang nabiktima sa maong insidente.

Sa laing bahin, gipangtudloan sa kabumberohan sa lungsod sa Minglanilla ang mga kawani sa munisipyo kung unsaon sa pag gamit ang mga fire extinguishers isip kabahin sa ilang kalihukan subay sa pag obserbar sa Fire Prevention Month karong buwana.

Ang fire extinguisher usa ka matang sa kahimanan nga pinakadali ug epektibong pangpawong sa sunog kun bag-o pa kini nagsugod.

Apan nasayran nga tungod kadaghanan sa mga tawo di makamao mogamit niini, magiyahay lang og panagan hinungdan nga modako na ang sunog ini og abot sa mga bombero.(BANAT NEWS)