Nag-atubang og kasong pagpatay nasakmitan og armas
CEBU, Philippines — Usa ka lalaki nga adunay kasong pagpatay ang nasakmitan og armas atol sa pag-implementar sa kapolisan sa search warrant nga giluwatan sa korte batok sa suspetsado sa niaging adlaw diha sa Barangay Ibabao, Lungsod sa Cordova.
Ang suspetsado giila sa kapolisan nga si Herbert Silvano Berdin alyas "Ebet", hingkod ang panuigon, nagpuyo sa maong dapit.
Si Berdin gipasakaan kini og kasong pagpatay niadtong tuig 2010 ug paggamit og ilegal nga drugas niadtong tuig 2018.
Ang kapolisan sa Cordova Police Station pinangulohan ni Police Major Michael Gingoyon ang niimplementar sa search warrant nga giluwatan ni Regional Trial Court (RTC) Judge Allan Francisco Garciano sa Branch 83 sa Siyudad sa Mandaue batok sa suspetsado.
Sa pagpatuman sa maong search warrant nisaksi niini ang konsehales sa barangay nga sila si Marvin Bentazal ug Junbert Bentulan.
Nasakmit sa kapolisan gikan sa suspetsado ang kalibre[J1] .38 nga revolver nga adunay upat ka buhing bala. /BDB (BANAT NEWS)
- Latest
