Talisay City Jail nagsaulog usab sa Fiesta Senyor
CEBU, Philippines — Nagsaulog sa kapistahan sa batang Hesus ang Talisay City Jail sa Barangay Maghaway, Dakbayan sa Talisay niadtong miaging adlaw.
Ang kalihukan gihimo pinaagi ni Jail Superintendent Tulabing diin usa sa ilang dinapit mao si mayor Gerald Anthony “Samsam” Gullas.
Si Gullas nipadayag sa iyang kahimuot kay bisan paman sa nahitabo sa mga binilanggo nakasaulog sila sa pista sa Balaang Bata nga si Sr. Santo Niño.
Ang mga binilanggo ang gitagaan og kahigayonan nga sila makapresentar og sayaw sama sa katawhan nga naa sa gawas.
Nagtuo si Gullas nga sa lain-lain nga paagi mahikap sa Balaang Bata ang ilang kinabuhi bisan paman sa ilang giatubang.
Nihatag og pag ampo ang mayor nga paspas ang resolusyon sa ilang mga kaso ug lakip na dinhi ang kausaban sa ilang mga kinabuhi. (BANAT NEWS)
- Latest
