Pekeng signature campaign para mag Cha-cha di tagdon — Sen. Poe

CEBU, Philippines — Giawhag ni Sen. Grace Poe ang publiko nga dili tagdon kining gihulagway niyang pekeng people's initiative nga gipalihok aron amendahan ang kasamtangang 1987 Constitution.

Matud pa niya, dili ang pagusab sa Batakang Balaod ang gikinahanglan karon sa mga Pilipino kondili ang pagkaon, trabaho, healthcare, edukasyon, ug may kalidad nga pagpuyo.

"Sa bangayan dito sa pekeng initiative, inuuna na naman ng ibang tao ang politika kaysa problema ng bayan," matud pa sa senadora sa report sa GMA News.tv.

"Isa lang naman ang solusyon dyan: tigilan nyo na itong pekeng initiative. We, in the Senate, are ready to work and focus on the things that matter––and we hope the House is ready to set aside this PI and do the same," puno pa niya.

Kahinumdoman nga naputos karon og mga isyu ang kabahin sa giingong nagpadayong signature campaign ubos sa gitawag nga People’s Initiative aron molusad og Charter change (Cha-cha). Usa sa mga isyu mao nga adunay mga pasangil nga pagpanuhol nga nahitabo aron mopirma ang mga tawo sa petisyon nga ipausab ang Batakang Balaod.

Matud pa ni Poe, kaning signature campaign nga gihimo dili na matawag nga people’s initiative kondili usa na ka "politician's initiative" base sa mga report nga dunay mga poltiktong nagpaluyo niini ug dili iya sa mga tawo. Sumala pang Poe, base sa mga surveys dili prayoridad sa kinabag-ang Pilipino ang Cha-cha.

"Bakit sinasabi namin na Pekeng Initiative ito na itinutulak ng mga politiko? Tingnan natin ang mga survey. Sabi ng isang survey regarding the issues that concern our people, 1% lang po ng ating kababayan ay nagsabi na concerned sila sa Cha-cha," matud niya.

Base sa balaod, kinahanglan lang og 12 porsiyento sa populasyon nga mopirma sa people initiatives aron mopasar ang petisyon.  Matud pa sa pipila ka mga magbalalaod sa Ubos Balay Balauranan miabot na og 12 porsiyento ang namirma apan dili makatuo si Poe niini base sa mga surveys.

"Malinaw po na wala sa isip ng tao ang Cha-cha, yet eto ang mga kasama natin sa House, sinasabi nila na nakuha na raw ang 12% na signatures na kailangan para matuloy na itong petition para sa PI. Napakalayo naman po ng 1% sa 12%; paano ba nakuha ito? Dagdag bawas?" puno pang Poe. — /IBM (BANAT NEWS)