Benepisaryo sa housing sa Paknaan hataga’g panginabuhian

CEBU, Philippines — Gihatagan og panginabuhian sa Cebu Landmasters Incorporated ang mga molupyo sa Sitio Mahayag Alliance of Structured  Household sa 6.5  hectare relocation site sa Barangay Paknaan sa Siyudad sa Mandaue.

Gihimo ang pagpnirmahay sa memorando of agreement niadtong miaging adlaw sa ilang nadawat nga pa nginabuhian nga gitawag og "Bugasan" usa kini ka community livelihood project para sa mga molupyo sa maong dapit.

Ang maong kompanya maoy mohatag og  livelihood training ug silang mga molupyo maoy modumala sa Bugasan aron molungtad kini og makatabang sa dugang income sa mga myembro.

Nagpirma sa memorandum of agreement ang Cebu Landmasters Foundation pinangulohan sa Sustainability and Community Relations Manager Vera Alejandria ug CLMFI Corporate Secretary Jose Gabriel B. Soberano ug ang Sitio Mahayag Alliance of Structured Household (SMASH) President Leopoldo Mancio Chavez.

Kinahanglan nilang mohatag og binuwang report bahin sa Bugasan ngadto sa Cebu Landmasters Foundation.

Nipirma usab sa kasabotan ang pangulo sa Housing Urban Development Office (HUDO) Atty. Johnbee Biton kauban sila si Paknaan Barangay Captain Marissa Tecling ug San Roque Parish Cooperative President Nilda Suan.

Misaksi sa MOA signing si Paknaan Barangay Councilor EJ Cortes, mga sakop sa HUDO, mga presidente sa Ganghaan sa Paknaan, ug mga sakop niini.— IBM  BANAT NEWS