P3 milyones gigahin sa siyudad sa Talisay sa pagpalit og kagamitan sa SWAT
CEBU, Philippines — Gilakip sa kagamhanan sa Dakbayan sa Talisay sa ilang budget karong tuiga ang pagpalit og kagamitan sa Special Weapons and Tactics (SWAT).
Una na nga nipadayag si mayor Gerald Anthony “Samsam” Gullas nga gituyo nila sa pag gahin og pundo ang kapolisan aron makahatag kini og epektibo nga serbisyo.
Siya nagtuo nga ang malinawon nga siyudad mosunod ang paglambo niini kay ang mga negosyante di man mabalaka sa pagbubo og puhonan.
Sila si Police Lt. Col. Wayne Magbanua, hepe sa kapolisan sa Talisay ug iyang mga sakop nihimo og New Year’s call sa miaging adlaw ngadto sa mayor. Si Magbanua niingon nga nakadugang sa kaikag nila ang suporta gikan sa kagamhanan.
Ang konseho sa Talisay niaprubar sa pag gahin og tres milyones pesos nga pundo aron sa pagpalit og kagamitan sa SWAT.
Sila ang magsaoy-saoy sa kadalanan ug moresponde sa bisan unsa nga alarma. (BANAT NEWS)
- Latest
