Mga utlanan sa Probinsya sa Sugbu higpit gibantayan

CEBU, Philippines — Tungod sa nahitabong MSU-bombing sa Marawi City, mas gipahugtan sa Cebu Police Provincial Office (CPPO) ang pagbantay sa mga ultanan sa probinsya aron dili malutsan sa mga badlungon sa katilingban nga nagplanong motisok og kasamok sa Sugbo.

Adunay kapasikaran ang aksyon sa CPPO tungod kay pipila ka tuig na ang nakalabay, dunay mga miyembro sa teroristang Abu Sayyaf nga nisulod sa Bohol.

Maayo nalang nga dunay mga residente nga nagpakabana nga daling nakatug-an sa mga otoridad kabahin sa ilang presensiya didto sa ilang luga hinungdan sa gilusad nga military operations ug napatay ang tanan.

Si Police Major Windell Abellana, tigpamaba sa Cebu Police Provincial Office mibutyag nga gihugtan nila karon ang pagbantay sa mga utlanan ug ubang entry ug exit points sa lalawigan diha sa nagkadaiyang kalungsoran.

Apil na ang mga vital installations ug kadtong mga lugar nga sagd dugokon sa mga tawo. Gihimo nila kini karon pinaagi sa hugot nga pakigalayon sa mga kapolisan kalungsoran ug sa kooperasyon sa mga molupyo sa ilang lungsod nga tabangan sila pag-monitor sa ilang mga lugar ilabi na sa kabaybayonan.

"They could directly send their concerns sa atoang mga Facebook page or any other media platforms para mapaabot sa atoang concern police stations," sigon Abellana. — /IBM (BANAT NEWS)