Gatchalian: Edukasyon ug training sa magtutudlo mahiangay sa K 10 MATATAG

CEBU, Philippines — Si Senador Win Gatchalian nagkanayon nga kinahanglang sigurohon sa gobiyerno ang edukasyon ug pagbansay sa mga magtutudlo subay sa K to 10 MATATAG curriculum.

Matud ni Gatchalian nga kinahanglang siguradohon sa Teacher Education Council (TEC) ang teacher education ug training nga nahiangay ngadto sa K 10 MATATAG curriculum.

Ang TEC mao usab ang responsible sa pag-establisar sa fundamental requirements alang sa teacher education programs.

Ang balaod nagmandato usab sa TEC nga pauswagon ang koordinasyon tali sa DepEd, Commission on Higher Education (CHED), ug Professional Regulation Commission (PRC) aron masiguro ang panaghiusa tali sa pre-service ug in-service nga edukasyon sa magtutudlo.

“One rationale to strengthen the TEC is the disconnect between pre-service and in-service. The in-service teachers are teaching a curriculum that has never been exposed at the pre-service level, now we’re entering the same scenario, and it seems to me that the same problem is recurring”, matud ni Gatchalian atol sa basic education panel hearing sa MATATAG curriculum.

Ubos sa Excellence in Teacher Education Act (Republic Act No. 11713), ang Kalihim sa Edukasyon nagsilbi nga chairman sa gibag-o nga Teacher Education Council (TEC), nga ang mandato mao ang pagpalambo sa kalidad sa edukasyon ug pagbansay sa mga magtutudlo sa nasud.

“I will not discount the fact that we need to activate the Teacher Education Council considering that we have a new curriculum. And again, part of the responsibilities and powers of the Council is to align the new curriculum to the policy, standards, and guidelines being used at the pre-service level”, matud ni Gatchalian.

Giawhag usab sa Chairperson sa Senate Committee on Basic Education ang pormal nga dokumentasyon sa pilot run sa MATATAG K to 10 curriculum nga gisugdan niadtong Septiyembre 25 ngadto sa 35 ka piniling tunghaan sa pito ka rehiyon.

Gihatagan niya og gibug-aton nga ang mga leksiyon gikan sa pilot schools lakip ang feedback gikan sa mga magtutudlo ug mga estudyante diin mahinungdanon kini alang sa pag-refine sa hingpit nga pagpatuman sa curriculum.

Gihatagan og gibug-aton ni Gatchalian ang kamahinungdanon sa pagsiguro sa availability sa mga dekalidad nga learning materials nga kinahanglang ipadayon hangtud sa hingpit nga pagpatuman sa curriculum. — /BDB (BANAT NEWS)