24 ka polis sa SWAT sa Talisay mobalik na
CEBU, Philippines — Mobalik na sa Talisay City Police Station ang 24 ka mga polis nga gibansay aron mahingpit na nga mahimo nga sakop sa Special Weapons and Tactics (SWAT).
Si konsehal Gail Restauro, chairman sa committee on Peace and Order nagkanayon nga mabalik na karong adlawa, Oktubre 20 ang SWAT sa Talisay.
Una niini, ang kagamhanan sa dakbayan sa Talisay nigahin og P3 milyones alang sa pagbansay sa mga polis.
Apan gisiguro usab nila nga dili mabalhin ang mga SWAT sa laing lugar sud sa lima ka tuig aron di mausik ang ilang gigasto alang sa pagbansay.
Matud pa ni Restauro nga sunod tuig mopalit sab sila og kagamitan sa SWAT aron mas epektibo kini sa ilang trabaho.
Gigahinan nila kini og laing P3 milyones pero anam-anam nila kini nga paliton.
Dugang pa ni Restauro nga dako og tabang ang SWAT sa pagpatunhay sa kalinaw sa lugar ilabi na kun adunay dagko nga panghitabo mugna sa mga kriminal o dautang elemento sa katilingban. (BANAT NEWS)
- Latest
