Marcos Jr. dako gihapon og pagsalig kang Tourism Sec. Frasco
CEBU, Philippines — Bisan sa kontrobersiya ug panawagan pagpakanaog kang Tourism Secretary Christina Garcia Frasco nunot sa “Love the Philippines” campaign video, si Presidente Ferdinand Marcos Jr. mipadayag sa iyang padayong pagsalig sa kalihim.
“Yes, absolutely. No question,” matud pa ni Marcos bahin sa iyang pagsalig ni Frasco.
Matud pa ni Marcos nga daling ni aksyon si Frasco sa maong isyu ug gi-terminate ang kontrata sa brand campaign partner nga DDB Philippines.
“I saw that she acted swiftly. She terminated the contracts that were in question. She has also since then put under review all of the other contracts that were in pipeline,” dugang pa ni Marcos sa maong interview.
“I think she has it under control, she knows what to do, what she has done so far inspires confidence that she will fix the problem and that the campaign of ‘Love the Philippines’ will be as successful as we hope for it to be,” matod pa sa pangulo.
Ang maong video gisaway tungod matud pa migamit og stock footage ang DDB Philippines sa paghimo niini. Ang uban sa footages dili kuha dinhi sa Pilipinas kondili didto sa laing nasud. Giangkon hinuon sa maong ad agency ang kasaypanan, samtang gitug-an sab ni Frasco nga walay bisan usa ka dako sa gitaganang P49 milyones para sa maong campaign ad ang ilang napagawas.
Ang Doyle, Dane and Bernbach (DDB) Philippines una nang nangayo og pasaylo sa maong panghitabo.
Gawas kang Marcos, mipadayag sab og suporta silang Salvador Panelo, Senador Juan Miguel Zubiri, Loren Legarda, Pia Cayetano ug uban pa. —Theresa March Valle, CNU Intern/IBM (BANAT NEWS)
- Latest
