Senate inquiry himuon tungod sa mga reklamo sa pasahero batok Cebu Pacific
CEBU, Philippines — Mga reklamo sa mga pasahero batok sa budget airline Cebu Pacific gikatakdang himoan og Senate inquiry sa Senate tourism and public services panels karong umaabot nga adlaw nga Miyerkules, Hunyo 21.
Sa report sa Philstar.com, si Senadora Nancy Binay kinsa maoy tsirman sa tourism panel miduso og resolusyon alang sa pagpahigayon niini tungod sa daghang mga reklamo nga gibato batok sa maong airline sama sa overbooking, offloading, aberya sa bookings ug uban pa.
“There were complaints that travelers were offloaded by Cebu Pacific without any verifiable cause or reason due to the airline’s overbooking,” matud pang Binay sa Senate Resolution No. 575.
Ang overbooking mao ang matud pa sobra-sobra ang gidaghanon sa ticket nga gibaligya nga dili kayang mapasakay tanan sa usa ka abyon.
Hinuon gitugotan sa regulasyon sa gobiyerno ang overbooking basta kinahanglang ulian kadtong mga dili mapasakay nga sobra na ang pasahero sa flight.
“However, being offloaded without alternative flight options or compensation not only has a direct impact on someone’s travel plans, but it also reflects how airlines treat customers and tourists,” matud pang Binay sa maong report.
Si Binay mikutlo sa report sa Philstar.com nga nidetalye sa mga reklamo sa mga pasahero, usa niini ang matud pa nakabayad sila makadaghan atol sa Cebu Pacific Super Pass sale bisan wala unsuccessful ang bookings.
“With the sheer number of passenger complaints, traveling in the Philippines has become extremely frustrating. It is no longer a pleasant experience,” puno pa niya. (BANAT NEWS)
- Latest
