Cash aid sa mga seniors sa Mandaue hayan madawat na
CEBU, Philippines — Gipaabot nga madawat na ang P4,000 nga unang hugna sa pinansiyal nga ayuda sa 25,000 ka mga narehistro nga senior citizen sa Siyudad sa Mandaue.
Si Konsehal Jimmy Lumapas nga maoy chairman sa Committee on Social Services sa konseho sa siyudad sa Mandaue miingon nga napahigayon na ang validation sa mga narehistro nga senior citizen sa 27 ka barangay sa dakbayan.
Suma pa ni Lumapas nga isunod na ang pagproseso sa gisumitir nga mga dokumento nga gikinahanglan alang sa pag-release sa pinansiyal nga ayuda ug sugdan gilayon ang pag-apod apod niini pinaagi sa buhatan sa Office of the Senior Citizen (OSCA) sa dakbayan ug City Social Welfare and Service Office.
Sa nasayran ang kagamhanan sa Siyudad sa Mandaue naghatag og P8,000 nga tinuig nga pinansiyal nga ayuda sa matag senior citizen.
Ang pagpanghatag sa ayuda gibahin sa duha ka hugna diin ang unang P4,000 ipanghatag sa bulan sa Abril ug ang ikaduhang hugna sa P4,000 ipang apod apod usab sa buwan sa Disyembre. (BANAT NEWS)
- Latest
