CCENRO dili mohunong paggukod sa mga violators

CEBU, Philippines —  Giawhag sa Cebu City Environment and Natural Resources Office (CCENRO) ang publiko nga

kinahanglan nga motuman gyud sa mga lagda ilabina sa saktong paghipos sa basura sanglit dili gyud nila lung-an ang pagukod sa violators.

Suma pa sa hepe sa CCENRO nga si Arleigh Gesta nga sa unang duha ka buwan sa 2023 dul- an na sa 400 ka indibidwal ang naisyohan nila og citation tickets gumikan sa pagpataka og labay sa ilang basura.

"Motuman nalang gyud ta sa balaod, kay alang raman sad na sa kalimpyo sa atong lugar," saysay pa ni Gesta sa pakighinabi niini sa Banat News.

Sa maong senaryo diin motuman ang katawhan sa mga lagda, molutaw niini ang

pagtinabangay aron makab-ot ang tingoha ni Mayor Michael Rama nga masusama sa Singapore ang dakbayan.

Gihangop sa kagamhanan ang mga establisamento nga istriktong nipatuman sa pagbutang og haom nga labayanan sa basura.

Una na nga gibutyag ni Gesta nga duna sila'y plano nga mohatag og rekognasyon sa mga

partner nila nga ahensya, organisasyon, institusyon ug uban pa nga nihatag og dakong pag-abag kanila sa kampanya sa pakig-gubat sa basura.

Tumong niini ang paghatag og pag-ila o pagtimbaya alang sa mga naningkamot nga mamintinar ang kalimpyo sa dakbayan.

Nasayran nga dunay mga institusyon nga nag-deputize sa ilang mga personnel aron maka- isyu og citation tickets ngadto sa mga magpataka og labay sa basura.

Hingpit nila nga gipatuman karon ang lagda nga kinahanglan nga limpyohan usab sa mga tag-iya sa establisamneto ang ilang palibot o tugkaran ilabi na sulod sa singko metros sa ilang hurisdiksyon. Iyang panghinaot nga respitoon ang trabaho sa enforcers sanglit alang ra man usab kini sa kaayohan sa siyudad aron mamintinar ang kalimpyo niini.