Bogo Police Station nakabaton og bag-ong patrol car
CEBU, Philippines — Nakabaton og labing bag-o nga Toyota Hilux nga 4x 4 nga sakyanan ang Bogo City Police Station nga gihatag sa Kapitolyo.
Kini isip ilang ganti sa naangkon nilang kadaugan sa Sugbusog ubos sa district category sa mga police station. Ang pagdawat sa maong bag-ong sakyanan gipanguluhan sa ilang hepe nga si Police Lieutenant Colonel Joan Guia Arnoco.
Kini maoy magsilbi nila nga patrol car sa Bogo City Police Station isip dugang sa mga kahimanan nga ilang magamit sa ilang pagtubag og alarma o pagpatrolya alang sa pagpatunhay sa kahapsay ug kalinaw.
Ang kapolisan sa siyudad sa Bogo nagpakita sa ilang kakugi sa pagpananom og mga utanon nga maoy hinungdan nga sila ang midaug sa mga police station nga ubos sa ikalimang distrito sa lalawigan sa Sugbo. (BANAT NEWS)
- Latest
