CAD walay hunong ang pagmontar og irrigation

CEBU, Philippines —  Gibutyag sa hepe sa  Cebu City Agriculture Department  (CAD) Joey Baclayon nga walay hunong ang pagmontar nila og water irrigation diha sa nagkadaiyang barangay nga kabahin sa ilang programa sa pag-ugmad sa agrikultura sa Siyudad sa Sugbo.

Matud ni Baclayon nga bisan adunay igong pundo sa tubig ang usa ka lugar labing maayo nga maniguro daan pinaagi sa pagtigom niini. “Ang pagmentinar sa suplay sa tubig nakatampo og dako sa pag-atiman sa mga tanom “, matud ni Baclayon.

Ang ubang area sa water irrigation nahimong kabahin usab alang sa pagpalambo sa greenhouse facility diha sa kabukiran.

Ang maong proyekto kabahin sa food security program sa siyudad.

Ang greenhouse acility kay usa ka katamnan nga adunay tabon nga ginama sa transparent nga materyal sama sa bildo diin gipatubo ang mga tanom nga nanginahanglan og regulated nga klima.

Kini mao ang mga sestema sa bentilasyon, pagpainit, irigasyon ug pag-abono sa maong pasilidad.

Matawag nga moderno nga pamaagi ang greenhouse tungod kay anaa sa sulod ang tanom maong mas mapanalipdan batok sa usab-usab nga panahon ug sa mga mananap hinungdan nga sigurado nga adunay produksiyon sa tibuok tuig. (BANAT NEWS)