Nalanag sa gitugot nga P20 kada kilong bangus, usa tipi

CEBU, Philippines —  Duha ka construction workers ang nalanag sa sinugbang bangus diha sa Poblacion, Lapulapu City niadtong adlaw nga Domingo.Usa kanila ang nakabsan sa kinabuhi.

Ang nakalas mao si Felix Genelazo, 35, taga Barangay Can-asujan sa Dakbayan sa Carcar.  Samtang nalandig sa tambalanan mao si Virgilio Sopas, 41, taga Bonifacio Street, Barangay Pari-an sa Dakbayan sa Sugbo.

Matud pa ni Police Staff Sgt. Mario Judelito Torejos, sa Police Station 3 Biyernes sa gabii giingong namalit og bangus gikan sa usa ka labasera nga “gitugot” nalang og P20 ang kilo. Ilaha dayon kining gisugba ug gisaw-an kauban sa laing pang duha ka kauban sa trabaho. Apan nianang pagkagabii nagsakit ang ilang mga tiyan ug nagkalibanga. Pagabot sa kaadlawon, nagping-it na sila sa kasakit sa tiyan maong gidala sila sa tambalanan. Apan namatay gyud si Sopas pagabot sa tambalanan samtang ang usa gi-admit ug ang duha naulian ra. Gipangita karon sa kapolisan ang labasera alang sa posibleng pagpasaka og kaso tungod sa kalapasan sa Food and Safety Security Act of 2013.(BANAT NEWS)