Dugang dormitoryo gibuksan alang sa mga frontliners sa Sugbo
CEBU, Philippines — Gilusad sa Office of the Vice President OVP ang ika-pito nga dormitoryo alang sa kapuy-an sa mga frontliners nga nag trabaho sa Dakbayan sa Sugbo. Si Vice President Leni Robredo sa post niini sa facebook, mipahibawo nga ang bag-ong dormitory nga ilang gibuksan nahimutang sa fuente osmena circle.
Matud pa ni Robredo, ang ilang dormitory bukas para sa mga health workers, medical practitioners, ug ubang frontliners nga naglambigit sa pagtanyag og essential services taliwala sa covid-19 crisis.
Sa nasayran ang maong lakang maoy kabahin sa Bayanihan Sugbuanon Program nga gipasiugdahan sa bise presidente aron pagtabang sa mga medical workers ug mga frontliners dinhi sa Sugbo.
Gawas sa dormitory napahimuslan na usab ang libreng sakay nga gihatag sa OVP alang sa mga frontliners ug medical workers. /MEL (BANATNEWS)
- Latest
