Labella nangayo og hemodialysis alang VSMMC

CEBU, Philippines — Giawhag ni Cebu City Mayor Edgardo Labella ang Department of Health sa paghatag sa Vicente Sotto Memorial Medical Center og hemodialysis units aron maka-accommodate og dialysis patients taliwala sa coronavirus pandemic.

Sa suwat sa mayor ngadto kang Health Secretary Francisco Duque III, kini niapelar aron ang VSMMC ma-eligible sa DOH-Health Facilities Enhancement Program nga naghatag og hemodialysis unit sa mga publikong tambalanan. Ang mayor nangayo og 20 ka units nga hemodialysis package aron ibutang sa usa ka dakung mall nga nahimutang sa Barangay Mabolo.

Ang mall nitanyag og luna aron magamit sa siyudad isip dialysis center aron ang mga pasyente dili na moadto og hospital kay risgo nga matakdan sa COVID-19.

Malaumon ang mayor nga mahatagan kini og tubag ug maayong kalambuan sa DOH ang iyang mga gihangyo. /GMR (BANATNEWS)