Nangatanggong sa Negros makabalik na sa Sugbo

CEBU, Philippines — Makauli na balik sa Sugbo ang mga Sugboanon nga na stranded sa Negros Oriental, karon nga ang lalawigan gipaubos na sa General Community Quarantine.

Sa Facebook page sa lungsod sa Samboan gipahibalo nga mamahimong makauli pinaagi sa Negros-Samboan (Matiao) route ang mga natanggong.

Kinahanglan kang mo-comply sila sa mga rekisitos sama sa travel authority nga ihatag sa Provincial PNP sa Negros Oriental ug negative COVID-19 certificate ma rapid test man o swab test result nga i-isyu sa Provincial Health Office (PHO) sa Negros Oriental.

Kun walay mapakita nga negative results, mamahimong makapakita og medical certificate gikan sa PHO sa Negros Oriental nga nagpakita nga ang mouli nga Sugboanon wala matapti sa maong sakit.

Laing requirement mao ang Acceptance/Coordination Certificate sa LGU nga ulian sa Probinsya sa Sugbo.

"Provided LGU Vehicle to received passengers in Samboan Port upon vessel disembarkation. NO LGU VEHICLE, NO VESSEL BOARDING rule shall apply already in Matiao Tampi Port. Remember, walay bus operating in Samboan as of the moment" pagbasa sa post.

Ang certification sa LGU nga ulian magsaysay o magpamatuod nga ang mouli residente gyud sa lungsod o dakbayan sa lalawigan sa Sugbo ug kinahanglan adunay kasabor alang sa inter-coordination uban sa LGU sa Samboan .

Walay tugotan nga pribadong sakyanan nga mokuha sa mga na-stranded nga pasahero gikan Negros gawas lang kung ang certification nga gi-issue sa ulian nga LGU magsaysay o specify sa otorisado nga drayber ug plate number sa sakyanan.

Sumala pa sa Samboan facebook page, usa ra ka biyahe matag adlaw ang tugotan.

"For this purpose, trip 12:30PM departing from Tampi shall ferry stranded passengers to Samboan Matiao Port. Each must pay his/her own fare. Other trips shall be deemed illegal under the GCQ protocol " pagbasa sa post niadtong Mayo 25, 2020.

Kinahanglan magsul-ob og mask ug moobserbat og social distancing atol sa pagbiyahe.

Ang makauli nga stranded nga pasahero motuman sa health protocols nga ipatuman sa ilang ulian nga LGU lakip na ang 14 ka adlaw nga kwarantina. /IBM (BANATNEWS)