Ubang kalihukan sa pista sa Mohon ikanselar
CEBU, Philippines — Ang kagamhanan sa Dakbayan sa Talisay nikanselar sa ipahigayong parada nga lakip unta sa kalihukan karong adlawa ug ugma sa kapistahan ni Senior Santo Niño sa Barangay Mohon sa maong siyudad.
Lakip nga gikanselar ang mga kalihukan sa gabii kalabotan sa pista.
Tumong niini mao ang panagana o paglikay sa 2019 novel corona virus.
Apan ang fluvial ug solemn procession ipdayon kini karong adlawa.
Si Mayor Gerald Anthony “Samsam” Gullas Jr. nipatawag sa city health, kadagkoan sa simbahan sa Barangay Mohon, kapolisan ug uban pa.
Sa maong tigom nauyonan nga ikanselar lang una ang pipila ka mga kalihukan sa pista alang sa nahisgutang tumong.
Si Padre Jonas Mejares nibutyag nga siya mismo ang nisugyot nga dili nalang idayon ang Sinulog parade tungod kay dili nila kontrolado ang mga nisalmot nga gikan sa lain-laing dapit sa siyudad.
Si Mejares nipasabot nga mahimo nga mag-ampo sa bisan asang lugar ug kining sitwasyona karon nahibawo na niini ang Santo Niño.
- Latest
