Mga kawatan nisiaw diha sa merkado sa Tabunok?

CEBU, Philippines – Si Mayor Gerald Anthony “Samsam” Gulllas, Jr. nimando sa pag-instolar og mga Close Circuit Television (CCTV) camera diha sa Tabunok Public Market.

Kini human sa mga reklamo nga nadawat ni Gullas gikan sa mga tag-iya og stall sa merkado kabahin sa mga insidente sa kawat.

Si Gullas giingong nakadawat usab kini og mensahe diha sa social media kalabutan sa giingong kawat sa mga baligya diha sa merkado.

Sa maong insidente gimandoan ni Gullas ang tukma nga departamento sa paghatag og priority sa pagbutang ug mga CCTV camera diha sa Tabunok Public Market.

Sa sayo pa, ang kagamhanan sa siyudad nigahin kini og pundo alang sa pagbaton ug mga CCTV camera nga ipahimutang diha sa mga strategic area sa dakbayan diin ang original nga plano mao ang pag-upgrade sa mga existing facilities sa command center.

Si Gullas nibutyag nga aron mausa ilakip ang CCTV sa merkado alang sa 2nd phase sa CCTV camera diha sa command center.

Ang market administrator sa siyudad Winnie Bas giawhag usab ni Gullas nga mogama og program of works lakip usab ang pag-request og CCTV cameras.

Si Gullas gikatakdang makigtagbo usab sa hepe sa kapolisan sa siyudad aron hisgutang ang giingong mga insidente sa kawat diha sa merkado. (/BDB)(BANAT NEWS)