Tawo nilang Jaguar ug Franz padayong naglihok
CEBU, Philippines — Mga druglink sa mga druglord nga silang Jeffrey ‘Jaguar’ Diaz ug Franz Sabalones giingong buhi pa ug nag-operate pa sa Dakbayan sa Sugbo.
Kini ang gitug-an sa direktor sa Cebu City Police Office nga si Police Senior Supt. Royina Garma.
Niadtong Sabado nadakpan sa buybust operation sa South Road Properties habig sa Barangay Mambaling ang usa ka Jimbo Cabusas ug nakuhaan og P170 mil nga balor sa ilegal nga drugas.
Gitug-an ni Garma nga nadiskobrehan sab nila nga kasamtangang napriso sa Bagong Buhay Rehabilitation Center ang igsuon niini sa kaso gihapon sa ilegal nga drugas. Gikataho nga tawo ni Diaz ang igsuon niini. “Tauhan ni Jaguar yong brother niya. Most likely naka-align na din siya,” matud sa police director.
Gibutyag usab niini nga bisan pa man og dugay na nga namatay si Diaz, nanglihok gihapon ang mga tawo niini. Ug giingong samot na ang mga tawo ni Sabalones nga buhi pa.
“Tuwing may mga huli kami, pinag-aaralan namin ang linya lumalabas ang link. Andun pa rin ang link buhay na buhay pa,” si Garma miingon.
“Tumigil na kayo magbenta ng illegal drugs. Mayaman na kayo. Maawa naman kayo sa nga taga Cebu. Kayo naman mga adik, magbagong. buhay na,” dugang niini. (BANAT NEWS)
- Latest
