Ombudsman nimando pag-dismiss kang Palompon mayor Oñate

CEBU, Philippines — Ang Office of the Ombudsman nipagawas og kamanduan nga nag-dismiss kang Palompon, Leyte Mayor Ramon Oñate, uban sa laing napulo nga kawani human masuta nga guilty sa kasong grave misconduct and serious dishonesty. Lakip sa nasilotan og dismissal sa serbisyo mao sila si SB members Margarito Bensig, Jr., Esperanza Sumalinog, Emmanuel Laurente, Consuelo Bonghanoy, Ranulfo Gaspan, Sr., Jonathan Yap, ug Rene Camposano; mga driver nga sila Alfredo Lubiano ug Pablo Chavarria; ingon man Local Legislative Staff Assistant Debbi Ann Dignos.

Apil sa silot mao ang cancellation sa eligibility, apil ang retirement benefits, ug gidid-an na sila sa pagtrabaho og balik sa gobyerno.

Ang maong desisyon giaprobahan niadtong September 24, 2024 ug giduso ngadto sa Department of the Interior and Local Government niadtong September 26, 2024.

Ang reklamo gisang-at sa usa ka Jay Arevalo, Barangay Captain sa Barangay San Isidro, Palompon.

Nakapresentar ang reklamante og ebidensya nga ang mga respondents niabusar sa ilang gahum ug posisyon pinaagi sa misappropriation of public funds ilabina sa pagpalit og fuel, oil ug lubricant sa tulo ka sakyanan nga dili na madala og ayo. Si Oñate nakaduso na sa iyang certificate of candidacy niadtong Oktubre 2, 2024 aron subling magpapili pagka mayor sa lungsod.

Suma pa ni mayor Oñate nga kini nga reklamo susama ra sa gisang-at sa usa ka Vergilio Padilla Jr., kanhi driver sa LGU Palompon sa Office of the Ombudsman-Visayas niadtong Agosto 23, 2021 nga na dimissed. (BANAT NEWS)