Notice of Awards sa SRP Lots gitugyan na
CEBU, Philippines – Gitugyan na sa kagamhanan sa Dakbayan sa Sugbo ang Notice of Awards sa nakadaog nga highest bidders sa mga luna sa South Road Properties (SRP).
Mokabat sa P16 bilyones ang kantidad sa 45 ektaryang luna nga gibaligya sa kagamhanan sa Sugbo.
Nagdumili hinuon si Mayor Michael Rama paghatag og dugang impormasyon kung nibayad na ba ang SM, Ayala Prime Holdings, ug Filinvest Land Inc., sa maong mga luna.
Ang Ayala ug SM maoy nipalit sa 26 ektaryang luna samtang 19 ka ektarya usab ang sa Filinvest Land Inc..
Base sa terms of references, ihatag sa winning bidder ang katunga sa bid price kun madawat na nila ang deeds of sale ug bayran nila ang kuwang nga kantidad sa mga luna sud sa tulo ka tuig.
Ang mga nakapalit niini, mobayad sa siyudad kapin P2 bilyones kada tuig sulod sa tulo ka tuig.
Apan ang siyudad modawat unta sa P6.75 bilyones nga katunga sa bayad sa maong mga luna apan daw nalangan tungod sa usa ka resolusyon nga giduso ni Konsehal Sisino “Bebs” Andales ug gisuportahan sa 10 ka konsehal base sa ‘legal opinion’ sa Department of Interior and Local Government nga nag-ingong kwestyonable ang pagbaligya sa siyudad sa SRP lots. – /EIM) (BANAT NEWS)
- Latest
